هل السمك بيوقع الشعر؟

هل السمك بيوقع الشعر؟

اكيد كلنا اتسئلنا السؤال ده اكتر من مرة والكل احتار فيه ؟! الإجاب المختصرة إن الأسماك مفيدة جدا للحيوانات، وإنها بتوقع الشعر دي إشاعه انتشرت في المجتمع المصري .

لكن في شويه حاجات لازم تبقى عارفها قبل ما تأكل أليفك أسماك.

أولا إيه سبب انتشار الإشاعة دي وليه ناس كتير مصدقاها ؟ أكيد مش من فراغ

بعض الكلاب والقطط ممكن يكون عندها حساسيه من الأسماك عامه أو من أنواع معينه من الأسماك.

وده بيبين عليها اعراض زي الترجيع واعراض تانيه كتير بتختلف من حيوان للتاني .

لو أكلت أليفك سمك كتير إنت كده بتحرمه من مغذيات تانيه كتيره ، رغم إن المغذيات اللي في السمك كتيره ومفيدة جدا.

لكن طبعا مش بتكون متكامله لاليفك والتغذيه السيئه أو اللي مش متكامله هي السبب الرئيسي لتساقط الشعر!! يعني العيب مش في السمك

ثانيا وده المهم إزاي تأكل كلبك أو قطتك سمك وإيه الكمية المناسبة وليه؟

أنواع السمك كتير جدا جدا.

إزاي تعرف السمك ده مناسب ولا لأ؟ هتمشي على قاعدة: السمك اللي دورة حياته طويله زي التونه وسمك أبو سيف أو الأسماك البحري ، بيكون تراكم في جسمه كميات كبيرة من الزئبق عكس السمك اللي دورة حياته قصيرة .

الأنواع دي نستخدمها بكميه اقل من أي سمك تاني.

عشان تتأكد إن كميه السمك اللي بتديها لأليفك مش هتأثر على التغذيه اللي بيحتاجها بالسلب ، ماتزودش عن مرة في الإسبوع أو مرة كل 10 أيام.

والكميه ماتكونش كبيرة زي مابنعمل مع الفراخ أو اللحم .

متأكلش أليفك سمك ني ابدا.

لازم يكون مستوي ، يفضل مايكونش فيه دهون أو زيت كتير، ولا توابل كتير واتاكد دايما إنه ميكونش فيه بصل أو توم لأنهم سم للكلاب والقطط .

الشوووك دايما شيل الشوك كله من السمك واتاكد إنه نضيف تماما عشان خطورته كبيرة.

لو أول مرة تأكل أليفك سمك عامه أو نوع جديد، راقب كويس لو هيبان عليه أعراض بعد ماياكله عشان تتأكد إنه معندوش حساسيه.

ثالثا بقى ليه تأكل أليفك سمك؟

السمك مصدر مهم جدا وسهل الهضم للبروتينات، والسعرات الحراريه فيه قليل .

ده غير إن أكتر حاجه بتميزه إنه فيه نسب كبيرة من ال Omega 3.

التونة بما إن ده أكتر سمك متشر عندنا وسهل تجيبه فلازم نتكلم عنه لوحده، التونه زي ماقلنا ممكن يبقى فيها كميه كبيرة من الزئبق اللي لو أليفك اكلها بكميه ممكن تسببله تسمم ولكن ده مش معناه إننا نمنعها نهائي.

ممكن تأكل أليفك تونة لكن بشروط

ماتزدش عن مرتين في الشهر والكميه تكون قليله

ممكن تستخدم أنواع التونه المعلب في مياه مش زيت ، لو عندك اللي في زيت لازم تصفيها ويفضل كمان تغسلها

جرب كميه صغيرة جدا في الأول عشان تتأكد إن أليفك معندوش حساسيه منها

طبعا هي مصدر مهم للبروتين وفيها املاح مهم زي المغنيسيوم، B و 12 B و 6 B التونه مفيدة جدا، وده لأن فيها فيتامينات كتير زي 3

يعني من الاخر ، السمك مبيوقعش الشعر وممكن تأكله لاليفك طالما معندوش حساسيه Omega والفوسفور، والبوتاسيوم .