متطلبات تربية القطط

(المتطلبات اللازمة لتربية قطط بالبيت) 🔷 العمر المفضل للتربية : هو بعد الفطام مباشرةً ، حتى يكون سهل انه يتعود ع صاحبه ويعلمه شغلات هواي لان اذا اخذت الكبير بالعمر راح تواجه صعوبات بسبب انه ما تعرف الحيوان ع شنو متعود يم صاحبها القديم ، لذلك تدريبه وتعليمه وتعويده كلش صعب 🔷 تربية القطط : لازم تتوفر الها امكانية خاصة للصرف ، لان تحتاج بيت صغير تبات بي ، تحتاج اكل خاص ، وتحتاج تسويلها دفتر لقاحات حتى سنوياً ينعاد اللقاح حتى لا تنتقل الامراض منها للانسان 🔷اكل القطط : اذا هي وصغيره تحب تلطع الحليب ، ووراها تاكل اكلات من اهل البيت واذا تحب تدللها تنطيها اكلات خاصة مال قطط تنباع بالعيادات البيطرية اسمها Dry Food الطعام المجفف ، الغني بالبروتينات والمعادن 🚫والممنوعات عليها : الصوصج ، المارتديلا (اللانشون) ، والعظام 🔷 الاعتناء بالقطط : القطط حساسة وتحب الاهتمام ، تحب تعاملها ك طفلة وتظل شايلها وتدللها وتحبها وهي من تتعود ع صاحبها وتحس انه الداير ما دايرها يحبوها راح تتالف بينكم واهم شي النظافة بالنسبة للمكان والاعتناء بجسمها يعني تستخدمولها شامبوات خاصة حتى ميصير بيها فطريات او طفيليات خارجيه ملاحظة لكل مربين الحيوانات الصغيرة : بين فترة وفترة اعطاء حيواناتهم Multivitamins يعني فيتامينات متعددة