الاسهال

الكثير ينزعج عندما تصاب قطه بالاسهال لكن مفيش داع للانزعاج طالماً القط لا يزال نشيط و حالته الصحية جيدة و يمكن احياناً علاج الاسهال بدون الذهاب الي طبيب بواسطة تغيير في نوعية الطعام او استخدام بعض الادوية البسيطة و لكن ان استمر الحال كثيرا ينصح بالذهاب للطبيب خاصة ان صاحب ده خسارة في الوزن و قيء و استمرار الاسهال يؤدي الي الجفاف و يمكن ان يكون ده سببه طفيليات او بكتريا . طيب نعمل ايه عشان نعالج الاسهال؟ 1)التغيير في النظام الغذائي: العديد من القطط تفضل الاغذيه المعلبة او الالبان زي الجبنة و الزبادي و اللبن لكن ممكن تكون الاغذية سبب الاسهال عشان كده لو كانت قطتك بتاكل زي المأكولات دي يبقي لازم انك توقفيها فوراً و استبدالها بشربة الخضار و الاغذية اللي بتحتوي علي الارز في مكونتها زي السيريلاك, الدراي فوود لكن من مصدر موثوق و يكون علامة تجارية ده في حالة الدراي فوود . 2) الماء: يجب تقديم المياه بصورة دورية للقطه لأنها بتكون معرضه للجفاف بسبب الاسهال . 3) المكملات الغذائية الطبيعية: و دي نلاقيها في الصيدليات بتبقي أما كبسولات او بودر و يفضل المكملات الغذائية اللي بتحتوي علي القمح او الفاوانيا"عود الريح" و دي مفيدة جداً في حالة الجفاف و كمان بتقتل الميكروبات و الطفيليات او المنتتجات اللي بتحتوي علي "المر" و دي موجوده بكثرة في الصيدليات . 4) الرعاية البيطرية: هنلجأ برده لأدوية و محاليل معالجه الجفاف زي Smecta و هو لعلاج حالات الاسهال و الجفاف المزمن بتفضى نصف الكيس فى 1 و نصف سم ماء و ندوبه كويس و نجيب سرنجه و طبعا من غير الابرة و طبعا بتحطى الدواء فيه و نحط السرنجه فى جنب فم القطه براحه ،وانت ماسكه القطه كويس و تتأكدى أنها بلعت الدواء هتخد نصف الكيس الصبح و النصف التانى بالليل. Antinal ده شراب الانتينال الجرعه واحد و نص سم كل كل 8 ساعات (فى حالة الاسهال الشديد ) اول 36 ساعه و بعد كده كل 12 ساعه لمده 48 ساعه و إذا الاسهال وقف اسمتر عليه يوم "محلول الجفاف " غنى بالمعادن مهم جدا علشان القطه ميجيلهاش جفاف خصوصا ً لو بترضع الجرعة ندوب كيس فى كوب مايه 200 ملى يعنى نفس حجم ازازة البيبسى الصغيره وتسقيها منه كل شويه يعنى واحد ملى السرنجه و كل ربع ساعة او نصف حسب تقبل القط ادى لها 2سم